پنجاب کے سکول اور کالجز کی بسوں پر بچوں کو پک اینڈ ڈراپ دینے کا حکم

سموگ کی روک تھام کےلئے صوبے بھر کے سکولوں کو فوری طور پر بچوں کو پک اینڈ ڈراپ دینے کاحکم سامنے آگیا۔

محکمہ سکولز کاکہنا ہے کہ عدالت عالیہ کے احکامات کی روشنی میں یہ اقدام اٹھایا، عدالتی حکم کے مطابق پنجاب کے سکول اور کالجز بسوں پر بچوں کو پک اینڈ ڈراپ دیں، محکمہ سکول ایجوکیشن احکامات نہ ماننے والے سکول، کالجز کے خلاف کارروائیاں کرے۔

اس حکم کے بعد تمام سکولوں کو ہدایت کردی گئی ہے اس ماہ کے وسط تک بس سروس کویقینی بنایا جائے مقررہ مدت کے بعد کارروائی کی جائے گی ۔