سیوریج لائنوں کی صفائی کے لیے 24 گھنٹے آپریشن جاری
منیجنگ ڈائریکٹر واسا ملتان قیصر رضا کی ہدایت پر شہریوں کی نکاسی آب کی شکایات کے تدارک اور مون سون سیزن شروع ہونے سے قبل پیشگی انتظامات کے لیے سیوریج لائنوں کی صفائی کے لیے 24 گھنٹے آپریشن جاری ہے۔
تمام سیوریج سب ڈویژنوں کی سطح پر ٹیمیں دن اور رات کےشیڈول کے مطابق ڈی سلٹنگ کرنے میں سرگرم ہیں، سوموار کی شب اور منگل کے روز شہر کے مختلف علاقوں میں ٹیموں نے مشینری کے ہمراہ سیوریج لائنوں کی بھرپور صفائی اور شکایت کا ازالہ کیا، اور سیوریج سب ڈویژنوں کی جانب سے ایم ڈی واسا کو اپنی اپنی حدود میں جاری ڈی سلٹنگ مہم کے حوالے سے کارکردگی رپورٹ بھی پیش کی۔
رپورٹ کے مطابق ممتاز آبادسیوریج سب ڈویژن کی طرف سے سرور آباد،احمدآباد ، ولائت آباد سیوریج سب ڈویژن نے نیو لطیف آباد،چاہ ڈھوری والا،صدیق آباد،رحمان کالونی،نیو ملتان سیوریج سب ڈویژن کی طرف ہٹھار روڈحسین آگاہی، گھنٹہ گھر چوک،سورج میانی سیوریج سب ڈویژن کی طرف سے شاداب کالونی،جناح ٹاؤن، عید گاہ سیوریج سب ڈویژن کی طرف سے ،باوا صفرا،نقشبند کالونی، گلگشت سیوریج سب ڈویژن کی طرف سے ہاشمی کالونی،حسن پروانہ سب ڈویژن نے پاک گیٹ چوک کے علاقوں کے درجنوں مین ہولز کی صفائی کی گئی۔
جس پر منیجنگ ڈائریکٹر واسا نے تمام ڈپٹی ڈائریکٹرز سیوریج کو اپنی اپنی حدود میں سیوریج لائنوں کی صفائی مہم میں مزید تیزی لانے کی ہدایت کی ہے۔
