سوشل سکیورٹی ہسپتالوں کو پرائیویٹ میڈیکل کالجز سے منسلک کرنے کا فیصلہ

پنجاب سوشل سکیورٹی انسٹی ٹیوشن نے اپنے تمام ہسپتالوں کا پرائیویٹ میڈیکل کالجز سے الحاق کا فیصلہ کیا ہے، اس حوالے سے باقاعدہ طور پر ادارہ کی گورننگ باڈی سے منظوری لی گئی ہے۔
کمشنر سوشل سکیورٹی سید بلال حیدر کہنا ہے کہ سوشل سکیورٹی ہسپتالوں کا پرائیویٹ میڈیکل کالجز سے الحاق کیا جائے گا، لاہور ، خواجہ فرید سوشل سکیورٹی ہسپتال ملتان، فیصل آباد، سیالکوٹ، گوجرانوالہ اور اسلام آباد کیسوشل سکیورٹی ہسپتالوں کابھی الحاق ہو گا۔
کمشنر سوشل سکیورٹی نے کہا کہ ٹیچنگ کیڈر سے ناصرف ہسپتالوں کی او پی ڈی میں ورکرز اور اْن کے اہل خانہ کو بہتر سہولیات میسر آئیں گی، بلکہ اس سے رجسٹرڈ کارکنوں کے بچوں کو میڈیکل کی مفت تعلیم کی سہولت اور مالی فوائد حاصل ہو سکیں گے۔