سرکاری اور پرائیویٹ سکولوں میں کھیلوں کے مقابلے کروانے کا حکم

محکمہ سکولز نے سرکاری اور پرائیویٹ سکولوں میں کھیلوں کے مقابلے کرانے کا حکم دے دیا۔

بتایا گیا ہے کہ محکمہ تعلیم کا سکولوں میں کھیلوں کے فروغ کیلئے اہم قدم اٹھایا ہے، پبلک سکولوں کیساتھ پرائیویٹ سکولوں میں بھی کھیلوں کے مقابلے منعقد کروائے جائیں گے ۔

محکمہ سکولز نے کھیلوں کے انعقاد کیلئے پرائیویٹ سکولوں سے پلے گراؤنڈ کا ریکارڈ مانگ لیا ہے، حکام کا کہنا ہےکہ کھیلوں کے انعقاد کیلئے پلے گراؤنڈ کی تصاویر بھجوائی جائیں اور سرکاری و پرائیویٹ سکولوں کے مابین ضلعی اور صوبائی سطح پر کھیلوں کے مقابلے کروائے جائیں گے۔

سکولوں کے مابین کھیلوں کا انعقاد اگست میں کیا جائے گا۔