سپورٹس ڈیپارٹمنٹ ملتان کے زیر اہتمام ملتان کے مختلف تیکوانڈو کلب کے بچوں کے درمیان مقابلہ
یوم کشمیر پانچ فروری کے سلسلہ میں سپورٹس ڈیپارٹمنٹ ملتان کے زیر اہتمام ملتان کے مختلف تیکوانڈو کلب کے بچوں کے درمیان مقابلہ جات کرائے گئے، جن میں بچوں کی کثیر تعداد نے جوش و خروش کے ساتھ حصہ لیا۔
اس موقع پر ڈسٹرکٹ سپورٹس آفیسر ملتان عدنان نعیم نے بات چیت کرتے ہوئے کہا مظلوم کشمیری بھائی بھارتی ظلم و ستم کا نشانہ بنتے آرہے ہیں، ہندو بنیا نے آج تک ان کو ان کا بنیادی حق خودارادیت نہیں دیا لیکن وہ وقت اب دور نہیں جب کشمیر آزاد ہوگا اور پاکستان کا حصہ بن کے امن کا داعی ہوگا۔
حکومت پنجاب نے یوم کشمیر کے موقع پر اپنے کشمیری بھائیوں سے اظہار یکجہتی کرتے ہوئے دنیا بھر کی طرح پاکستان میں بھی اپنا احتجاج ریکارڈ کرانے کے لیے کھیلوں کے میدانوں سے کھلاڑیوں کا احتجاج نوٹ کرانے کے لیے مختلف کھیلوں کے مقابلہ جات کرانے کا شیڈول جاری کیاہے۔ آج کا ایونٹ اسی سلسلہ کی ایک کڑی ہے۔
تقریب کے آخر میں تیکوانڈو کے مقابلہ جات میں بہترین کارکردگی کے حامل بچوں میں اسناد اور انعامات تقسیم کیے گئے، اس موقع پر ڈویژنل کوچز ناصر حسین عدنان مغل وقار احمد میڈم گل اور تصور بھی موجود تھے
