سری لنکن شہری کے قتل کیس کے ملزمان کا ٹرائل جیل میں کروانے کا فیصلہ

پنجاب حکومت نے سری لنکن شہری کے قتل کیس کے ملزمان کا ٹرائل جیل میں کروانے کا فیصلہ کرلیا اور جیل انتظامیہ کو جیل میں انتظامات مکمل کرنے کی ہدایات جاری کر دی ہے۔
سیالکوٹ میں سری لنکن شہری کے قتل کیس میں اہم پیش رفت سامنے آئی ، ذراٸع کا کہنا ہے کہ پنجاب حکومت نے سانحہ سیالکوٹ کے ملزمان کا ٹرائل جیل میں کروانے کا فیصلہ کرلیا۔
امن وامان کی صورتحال کے باعث ٹرائل جیل کروایا جائے گا تاکہ کسی بھی ناخوشگوار واقعہ سے بچا پراسکیوشن اور پنجاب حکومت کے اہم اجلاس میں جیل ٹرائل کا فیصلہ کیا گیا اور جیل انتظامیہ کو جیل میں انتظامات مکمل کرنے کی ہدایات جاری کر دی گٸی ہیں۔
پراسیکیوشن ٹیم نے بھی جاٸے وقوعہ کا دورہ کر کے تمام شواہد اور ویڈیوز کا جاٸزہ لیا اور پولیس حکام جلد از جلد چالان مکمل کرکے عدالت میں جمع کروانے کی ہدایت کی ہے۔
یاد رہے اس سے قبل پنجاب حکومت نے سیالکوٹ واقعے کے ملزمان کا روزانہ کی بنیاد پر ٹرائل کا فیصلہ کرتے ہوئے ملزمان کاچالان 14دن میں پیش کرنے کا حکم دیا تھا۔
راجہ بشارت کا کہنا تھا کہ محکمہ پراسیکیوشن خصوصی سیل بنا کر روزانہ مانیٹرنگ کرے۔