پنجاب حکومت نے سکول ٹیچرز انٹرنز کی دوبارہ بھرتیوں کا آغاز کر دیا گیا

محکمہ تعلیم پنجاب کا آن لائن پورٹل دو روز بند رہنے کے بعد جزوی طور پر بحال کر دیا گیا ہے، تاہم امیدوار اب بھی درخواست جمع کروانے میں شدید مشکلات کا سامنا کر رہے ہیں۔

درخواست دہندگان کا کہنا ہے کہ پورٹل میں بار بار تکنیکی مسائل سامنے آرہے ہیں، لاگ ان، ڈیٹا سیو اور فارم جمع کروانے میں بھی دشواریاں درپیش ہیں۔ امیدواروں کے مطابق پورٹل تاحال بار بار کریش کر رہا ہے, جس کے باعث درخواستیں جمع کروانا مشکل ہو گیا ہےبھرتیوں کے لیے 15 ہزار سے زائد آسامیوں پر درخواستیں جمع کروانے کا عمل جاری ہے جبکہ امیدوار 21 نومبر تک درخواستیں جمع کرا سکتے ہیں۔

حکام کا کہنا ہے کہ آئی ٹی ٹیم پورٹل کے مسائل حل کرنے کے لیے کام کر رہی ہے اور جلد پورٹل مکمل طور پر بحال کر دیا جائے گا۔