طلباء کو گرمیوں کی چھٹیوں کا ہوم ورک نہیں ملے گا

پنجاب کے سکولوں کے طلباء کو اس سال گرمیوں کی چھٹیاں کا ہوم ورک نہیں ملے گا۔

بتایاگیا ہے کہ پنجاب ٹیکسٹ بک بورڈ نے تاحال صوبے بھر کے سرکاری سکولوں کے طلباء کے لئے یکساں قومی نصاب کے تحت نیا نصاب شائع نہیں کیا ، خدشہ ہے کہ طلباء کو نئے تعلیمی سال کا نصاب گرمیوں کی تعطیلات سے پہلے نہیں مل سکے گا، جس کی وجہ سے خدشات ہیں رواں برس بچوں کو ہوم ورک نہیں دیا جائے گا۔

محکمہ اسکول ایجوکیشن پنجاب کا کہنا ہے کہ نصابی کتب کی پرنٹنگ کا سلسلہ جاری ہے۔

موسم گرما کی تعطیلات کے دوران کتابوں کی فراہمی ممکن بنائی جائے گی ، جبکہ سرکاری اسکولوں میں نیا تعلیمی سال یکم اگست سے شروع ہوگا۔