موسم گرما کی تعطیلات میں اضافے کا امکان

محکمہ تعلیم پنجاب کا موسمی حالات کے پیش نظر اسکولوں کی تعطیلات 31 اگست تک بڑھانے پر غور شروع، گرمی کی شدت اور شدید بارشوں کے امکان کو مدنظر رکھتے ہوئے تعطیلات میں اضافے کا فیصلہ  کیا جا سکتا ہے۔

تفصیل کے مطابق گرمی کی بڑھتی ہوئی شدت کو دیکھتے ہوئے محکمہ سکولز پنجاب نے گرمی کی تعطیلات میں اضافے کےلئے غور شروع کردیا ہے، اس سے قبل سندھ اور بلوچستان میں بھی گرمی کی وجہ سے چھٹیوں میں اضافی کیا جاچکاہے۔

ذرائع کا کہنا ہے کہ موسم میں شدت ابھی تک برقرار ہے شدید حبس کی وجہ سے سانس لینا مشکل ہو رہا ہے، اگست کے پہلے ہفتے میں موسم کا ازسر نو جائزہ لیا جائے گا، جس کے بعد چھٹیوں میں توسیع کا فیصلہ کیا جائے گا۔