ڈینگی لاروا کی تلفی کیلئے ٹیموں نے انسپکشن کا آغاز کردیا

ڈپٹی کمشنر ملتان عامر کریم خاں کی ہدایت پر ڈینگی لاروا کی تلفی کیلئے ٹیموں نے انسپکشن کا آغاز کردیا ہے۔
اس سلسلے میں گزشتہ روز ضلعی ٹیموں نے گزشتہ روز ڈینگی لاروا ملنے پر 5 ہوٹلوں سمیت کمرشل عمارات کو نوٹس جاری کردیے۔
فوکل پرسن ڈاکٹر عطاء الرحمٰن کی قیادت میں ڈینگی سرویلنس ٹیموں نے شادمان کالونی،شیرشاہ سمیت دیگر مقامات پر گھر گھر لاروا کی چیکنگ کی اور نوٹس جاری کئے۔
ڈپٹی کمشنر عامر کریم خاں نے کہا کہ بدلتے موسم کے پیش نظر ڈینگی وائرس کا خطرہ بڑھ گیا ہے۔شہری اپنے اردگرد کا ماحول خشک اور صاف رکھیں۔
ڈپٹی کمشنر کا کہنا تھا کہ ڈینگی لاروا ملنے کی صورت میں کمرشل پراپرٹیز سیل کردی جائیں گی، تمام شہری ڈینگی کی حفاظتی تدابیر اپنائیں۔