کالعدم تنظیم تحریک لبیک کے گرفتار کارکن کی ضمانت بعد از گرفتاری پر پولیس سے 30 اپریل کو ریکارڈ طلب

انسداد دہشتگری کی خصوصی عدالت ڈیرہ غازی خان کے جج بخت شہزاد نے کالعدم تنظیم تحریک لبیک کے گرفتار کارکن کی ضمانت بعد از گرفتاری پر پولیس سے اپریل30 کو ریکارڈ طلب کرلیا ہے۔

قبل ازیں فاضل عدالت میں ملزم کاشف علی نے کونسل باصر خان سکھانی کے ذریعے درخواست ضمانت دائر کرتے ہوئے موقف اختیار کیا تھا کہ سناواں تحصیل کوٹ ادو کی پولیس نے 70 نامزد ملزم ظاہر کئے کہ انکا تعلق کالعدم تنظیم تحریک لبیک پاکستان سے ہے اور سائل کو نامعلوم افراد کی لسٹ میں شامل کرکے گرفتار کیا ہے تاحال سنٹرل جیل ڈیرہ غازی خان میں پابند سلاسل ہوں اور بے گناہ ہوں۔ضمانت منظور کرتے ہوئے رہا کرنے کا حکم دیا جائے۔