چوروں کی زکریا یونیورسٹی کے وائس چانسلر کو ‘سلامی’، ایک دن میں تین وارداتیں

زکریا یونیورسٹی میں ایک دن میں تین چوریاں، سیکورٹی گارڈ سمیت موٹر سائیکل اور موبائل فون سے محروم ہوگئے۔

زکریا یونیورسٹی میں نئے وائس چانسلر کی تعیناتی کے تیسرے روز ہی چور دوبارہ سے متحرک ہوگئے ، سیکورٹی عملہ خود لٹ گیا۔

ذرائع کے مطابق موٹر سائیکل چوری کی واردات شعبہ میتھس کی پارکنگ میں ہوئی، جہاں سے نامعلوم چور داخلہ لینے کے لئے آنے والے کا موٹرسائیکل نمبر 6746 لے اڑے ، چوری کی دوسری واردات آمنہ ہاسٹل میں ہوئی جہاں سے چور مہوش نامی طالبہ کا موبائل فون لے گئے۔

چوری کی تیسری واردات ایجوکیشن ڈیپارٹمنٹ کی پارکنگ میں ہوئی، جہاں پر تعینات سیکورٹی گارڈ اظہر عباس کا موبائل فون چوری کرلیا گیا ۔