تبادلہ کروانے والے سینکڑوں اساتذہ کو نئے سکول سے تنخواہیں جاری نہ ہوسکیں

پنجاب کے مختلف سکولوں میں اساتذہ تنخواہیں بروقت جاری نہ ہونے سے پریشانی سے دوچار ہیں، ڈائریکٹر پبلک انسٹرکشن ایلمنٹری پنجاب نے معاملہ کا نوٹس لیتے ہوئے کہا ہے کہ ای ٹرانسفر آرڈرز پرکیو آر کوڈ ہی اساتذہ کی شناخت ہے۔

ڈی پی آئی ایلمنٹری ہمایوں شاہد نے کہا ہے کہ اکاؤنٹ آفس ای ٹرانسفر آرڈر پر اساتذہ کو فوری تنخواہیں جاری کرے، اکاؤنٹ آفس تنخواہیں جاری کرنے کیلئے ہیڈز، ڈپٹی ڈی ای اوز اور سی ای اوز کے دستخط کا مطالبہ نہ کریں تاکہ اساتذہ کو کسی قسم کی پریشانی کا سامنا نہ کرنا پڑے۔