بیالوجی کی کتاب فراہم نہ کی جاسکی

نیاء تعلیمی سال شروع ہوئے 3 ماہ گزر گئے،تاحال نہم جماعت کے سینکڑوں بچوں کو بیالوجی کی کتاب نہ مل سکیں۔

تفصیل کے مطابق پنجاب کے سرکاری سکولوں میں  پڑھنے والے بچوں کو تاحال جماعت نہم کی بیالوجی کی کتاب فراہم نہیں کی جاسکی، بیشتر طلباء پرانی کتابوں پر گزارا کرنے پر مجبور ہیں، بیالوجی کی کتاب نہ ملنے کے باعث بچوں کو گرمیوں کی چھٹیوں میں ہوم ورک کرنے میں بھی مشکلات کا سامنا ہے۔

طلبا و طالبات کا کہنا ہے کہ موسم گرما کی تعطیلات ختم ہونے میں ڈیڑھ ماہ باقی رہ گیا ہے، پنجاب ٹیکسٹ بک بورڈ بیالوجی کی کتاب کی فراہمی کیلئے فوری اقدامات کرے، جبکہ حکام کا کہنا ہے کہ تمام اضلاع کو ان کی ڈیمانڈ کے مطابق مفت درسی کتب فراہم کردی گئی ہیں، چھٹیوں کی وجہ سے کچھ کتابیں تقسیم نہیں ہوسکیں ہیں، جو سکول کھلنے پر طلباء کودے دی جائیں گی ۔