سرکاری سکولوں میں کتب کی فراہمی ممکن نہ ہوسکی، طلباء کو شدید پریشانی کا سامنا

صوبے بھر میں حکومتوں کی تبدیلی کی وجہ سے محکمہ سکول بھی سست روی کا شکار ہوگیا، تاحال مفت کتابوں کی فراہمی ممکن نہ ہوسکی ۔

چھٹی سے آٹھویں جماعت تک کتابیں طلباء کو دستیاب نہیں، جبکہ تقریباً آدھا تعلیمی سال گزر چکا ہے۔

پہلے کہا گیا کہ موسم گرما کی تعطیلات میں کتب فراہم کردی جائیں گی، مگر ایسا نہ ہوا اب یکم اگست سے کلاسز شروع ہوچکی ہیں مگر کتب نہیں ۔

اساتذہ کا کہنا ہے کہ طلبا کو کیا پڑھائیں ؟ سلیبس موجود نہیں ۔

اس کوتاہی کا کون ذمے دار ہے ہم پر کام کا دباو بڑھتا جارہا ہے، جتنی تاخیر ہوگی طلبا کا اتنا نقصان ہوگا ۔

انہوں نے اعلیٰ حکام سے کتب کی فراہمی یقینی بنانے کا مطالبہ کیا۔