زکریا یونیورسٹی کے وائس چانسلر نے براہ راست ڈاک لانے پر پابندی لگادی

زکریا یونیورسٹی کے وائس چانسلر نے نیا حکم نامہ جاری کیا ہے کہ کوئی ٹیچر، پروفیسر یا افسر براہ راست کو ئی کیس یا دفتری فائل وی سی آفس نہیں لائے گا، تمام فائلیں رجسٹرارآفس کے ذریعے آئیں گی۔

جاری اعلامیہ میں کیا گیا ہے کہ ڈین کے دفاتر اور تدریسی شعبہ جات کے تمام قسم کے سرکاری خط و کتابت کو اس یونیورسٹی کے رجسٹرار کے ذریعے نمٹا یا جائے گا، اس لیے وائس چانسلر سے براہ راست کوئی خط و کتابت نہیں کی جائے گی۔

اس مراسلے پر اساتذہ نے مایوسی کا اظہار کیا ہے ان کاکہنا ہے کہ ضروری نوعیت کے کام اب تاخیر کا شکار ہوجائیں گے، وائس چانسلر ان احکامات پر نظر ثانی کریں ۔