وائس چانسلر ایمرسن یونیورسٹی کی کمشنر ملتان سے ملاقات

وائس چانسلر ایمرسن یونیورسٹی ملتان پروفیسر ڈاکٹر محمد رمضان نے کمشنر ملتان اشفاق احمد چوہدری سے ان کے آفس میں ملاقات کی، اور کمشنر کے طور پر ان کی تعیناتی پر مبارکباد دیتے ہوئے گلدستہ پیش کیا۔

دونوں شخصیات نے باہمی دلچسپی اور تعلیم کے مختلف امور پر گفتگو کی کمشنر نے ایمرسن یونیورسٹی میں تعلیمی میدان میں ہونے والے انقلابی اقدامات کو سراہتے ہوئے ڈاکٹر رمضان کو خطہ کے لیے جدید تعلیم کے حوالے سے ایک نعمت قرار دیا۔

کمشنر ملتان اشفاق احمد چوہدری ایک قابل اور متحرک افسر کے طور پر اپنی ایک الگ پہچان رکھتے ہیں۔

انہوں نے ایمرسن یونیورسٹی میں جاری مختلف ترقیاتی منصوبہ جات کی جلد تکمیل کے لیے متعلقہ محکموں کو فوری احکامات جاری کیے اور آئندہ بھی ہر ممکن تعاون کا یقین دلایا۔