پاکستان کی مختلف یونیورسٹی کے وائس چانسلرز کا زکریا یونیورسٹی کا دورہ
پاکستان کی مختلف جامعات کے وائس چانسلرز کا بہاؤالدین زکریا یونیورسٹی ملتان کا دورہ، وائس چانسلر بہاءالدین زکریا یونیورسٹی پروفیسر ڈاکٹر محمد علی شاہ نے ملتان شہر کی تاریخ اور یونیورسٹی کے بادے میں بریفنگ دی۔
اس موقع پر ان یونیورسٹیوں کے وائس چانسلرز نے زکریا یونیورسٹی کے ساتھ طلباء کی نصابی و ہم نصابی سرگرمیوں کے حوالے سے ایم او یو بھی سائن کیا، اس ایم او یو کے حوالے سے انٹر یونیورسٹی کنسورشیم فار دی پروموشن آف سوشل سائنسز کے نیشنل کوارڈینیٹر مرتضیٰ نور نے اہم کردار ادا کیا، اور زکریا یونیورسٹی میں طلباء کے حوالے سے ہم نصابی سرگرمیوں کے حوالے سے بھر پور تعاون کی پیشکش کی۔
اس موقع پر ڈاکٹر مقرب اکبر کا کہنا تھا کہ یونیورسٹی طلباء کے حوالے سے بہت اہم اقدامات کر رہی ہے، وائس چانسلرز کے وفد نے سرائیکی ایریا سٹڈی سنٹر اور ملتان کالج آف آرٹس کا دورہ بھی کیا، جہاں پر وائس چانسلرز بی زیڈ یو محمد علی شاہ نے آرٹس کالج اور سرائیکی ایریا سٹڈی سنٹر کے اہمیت کے بارے میں وفد کو بتایا ۔
وفد میں پروفیسر ڈاکٹر حبیب بخاری وائس چانسلر کوہسار یونیورسٹی مری، انجینئر ڈاکٹر عطاءاللہ شاہ وائس چانسلر قراقرم انٹرنیشنل یونیورسٹی گلگت، پروفیسر ڈاکٹر محمد مجدد رحمان وائس چانسلر ایبٹ آباد یونیورسٹی آف سائنس اینڈ ٹیکنالوجی، پروفیسر ڈاکٹر واجد وائس چانسلر یونیورسٹی آف اوکاڑہ، پروفیسر ڈاکٹر اشتیاق علی قائداعظم یونیورسٹی اسلام آباد اور مرتضٰی نور شامل تھے۔
