اچھی کرکٹ دیکھنے کو ملے گی، شائقین کو مایوس نہیں کریں گے۔ محمد رضوان
قومی ٹیم کے کپتان محمد رضوان نے میلبورن کرکٹ گراؤنڈ میں پریس کانفرنس کرتے ہوئے کہا ہے کہ شائقین کرکٹ کو اچھی کرکٹ دیکھنے کو ملے گی، فیز کو مایوس نہیں کریں گے، ماضی میں جو کچھ ہوا اسے بھول کر آگے بڑھنا ہے، سلیکشن کمیٹی کے اراکین کے یہاں ہونے سے میں خوش ہوں۔
یہ بھی پڑھیں ۔
پاک آسٹریلیا سیریز : پہلا ون ڈے میچ؛ کینگروز کا شکار کرنے کے لیے شاہینز کا اعلان کردیا گیا
انہوں نے کہا کہ پلیئنگ الیون میں میری بھی مشاورت ہوگی لیکن باقی لوگوں کی ان پٹ ہونا اچھی چیز ہے، میں مشاورت کے ساتھ چلنے والوں میں سے ہوں، نوجوان کھلاڑیوں کے بھی مشورے لیتا ہوں۔
محمد رضوان کا کہنا ہے کہ بابر اعظم، شاہین اور نسیم کی پاکستان کے لیے بہت پرفارمنس رہی ہیں، آج بابر اور شاہین کا نام اپنی پرفارمنس کی وجہ سے ہی ہے۔
پاکستان کرکٹ ٹیم کے کپتان نے کہا کہ کھلاڑیوں پر برا وقت آتا ہے، وہ بھی اسی چیز سے گزر رہے ہیں، بابر اعظم اور شاہین اس چیز کو سمجھتے ہیں، میں بھی انہیں جتنا سپورٹ ہوسکا کروں گا۔
ان کا کہنا تھا کہ فخر اور امام کی بہت پرفارمنس ہے، فخر اوپر سے تیزی سے رنز کرتے تھے، اس کے رنز سے بہت فرق پڑتا رہا ہے، ابھی جو نوجوان کھلاڑی آئے ہیں ان کے پاس بھی موقع ہے۔
انہوں نے مزید کہا کہ پاکستان نے دنیا کی کرکٹ کو فالو نہیں کرنا، ہم نے اپنے ریسورسز کو دیکھنا ہے، ہمارے لیے پاکستان سب سے پہلے ہے، جو پلیئر بہتر ہو گا وہی ٹیم کا حصہ ہو گا، میرے لیے سب کپتان ہیں، اگر انہیں لگتا ہے کہ ان کے پاس کچھ اچھا ہے تو وہ شیئر کر سکتے ہیں۔
یہ بھی پڑھیں ۔
محمد رضوان وائٹ بال کے کپتان مقرر، سنئیر اور جونیئرز کے کمبینشن کے ساتھ کھیلیں گے، محمد رضوان
محمد رضوان کا یہ بھی کہنا تھا کہ پاکستان ٹیم کی پرفارمنس پر فینز تھوڑا ناراض ضرور ہیں، ہمیں دنیا بھر میں پاکستانی فینز سپورٹ کرتے ہیں، اب انہیں مایوس نہیں کریں گے۔
اس سے قبل گزشتہ روز نائب کپتان سلمان علی آغا کا کہنا تھا کہ چیمپئنز ٹرافی میں وقت ہے، توجہ آسٹریلیا کیخلاف سیریز پر ہے، چیمپئنز ٹرافی میں وقت ہے۔
