ویمن یونیورسٹی دو انٹرنیشنل ایونٹس کی میزبانی کےلئے تیار

ویمن یونیورسٹی ملتان رواں ہفتے دو انٹرنیشنل ایونٹ کی میزبانی کرے گی ۔

ترجمان کے مطابق ویمن یونیورسٹی ملتان میں دو بڑے ایونٹ ہونے جارہے ہیں، جن میں شعبہ ایجوکیشن کے زیر اہتمام تین روزہ انٹرنیشنل کانفرنس 5 اکتوبر سے 7 اکتوبر تک جاری رہے گی، جس کا عنوان ’’کورونا کے بعد تعلیم کے بحالی اور سمارٹ ایجوکیشن ‘‘ہے، جس میں غیر ملکی اور ملکی ماہرین تعلیم شرکت کریں گے۔

جبکہ دوسری کانفرنس شعبہ سائیکالوجی کے زیراہتمام 5 اکتوبر سے 7 اکتوبر تک منعقد ہوگی، جس کا عنوان ’’ایجوکیشنل ،کلینکل اینڈ سوشل سائیکالوجی ،‘‘ ہے، اس کانفرنس میں ڈرامہ فیسٹول بھی ہوگا، جس میں "سائیکالوجیکل چلینجز ان سوسائٹی” کے عنوان سے ڈرامے پیش کئے جائیں گے، جن کا دورانیہ 15 منٹ ہوگا۔

کانفرنسز کے مہمان خصوصی وائس چانسلر (ایمرسن یونیورسٹی) پروفیسر ڈاکٹر رمضان اور وائس چانسلر پروفیسر ڈاکٹرصاعقہ امتیاز ( بہاولپور ویمن یونیورسٹی) اور میزبان وائس چانسلر پروفیسر ڈاکٹر عظمیٰ قریشی ہوں گی۔

کانفرنس کی افتتاحی تقریب صبح 10 بجے جناح ہال کچہری کیمپس میں منعقد ہو گی۔