ویمن یونیورسٹی آج دو پی ایچ ڈی سکالرز کے مجلسی دفاع کی میزبانی کرے گی

ویمن یونیورسٹی کے شعبہ اردو کی پی ایچ ڈی مقالہ نگار تسنیم کوثر قریشی اور فزکس کی مریم اکرم کا پبلک ڈیفنس آج منگل کو ہوگا۔

ترجمان کے مطابق پبلک ڈیفنس کی تقریب کچہری کیمپس میں منعقد ہوگی، جس کی مہمان خصوصی وائس چانسلر پروفیسر ڈاکٹر کلثوم پراچہ ہوں گی۔

تسنیم قریشی کے مقالے کا عنوان :خرد افروزی کی روایت میں اردو کے ادبی رسائل کے اداریوں کا مطالعہ (بحوالہ نگار،ادبی دنیا،افکار،اوراق) ہے جبکہ نگران مقالہ ڈاکٹر شاہدہ رسول اسسٹنٹ پروفیسر دی ویمن یونیورسٹی ملتان اور بیرونی ممتحن پروفیسر ڈاکٹر ضیا الحسن پروفیسر شعبہ اردو یونیورسٹی آف پنجاب،لاہور ہیں، جبکہ مریم اکرم کے مقالے کا عنوان "پانی کے علاج اور توانائی ذخیرہ کرنے کی ایپلی کیشنز کے لیے ایڈوانسڈ 2D میٹریلز پر مبنی نینو کمپوزائٹس” ہے۔