وزیراعظم گرین یوتھ موومنٹ : زکریا یونیورسٹی ملتان میں خصوصی شجرکاری مہم
ڈائریکٹوریٹ آ ف سٹوڈنٹس افیئرز بہاء الدین زکریا یونیورسٹی ملتان کے زیراہتمام وزیراعظم گرین یوتھ موومنٹ کے تحت بہاء الدین زکریایونیورسٹی ملتان میں خصوصی شجرکاری مہم کا انعقاد کیاگیا۔
شجرکاری مہم کی قیادت جم کلب کے بی زیڈ یو کے فوکل پرسن ڈی ایس اے ڈاکٹر محمد فواد رسول اور جم کلب بی زیڈ یو کے کنوینر ڈاکٹر انیس الرحمن نے کی۔
ڈین فیکلٹی آف فارمیسی پروفیسر ڈاکٹر محمد عزیر، خزانہ دار صفدر عباس خان نے مہم کا افتتاح کیا۔
ڈاکٹر محمد عزیر نے یونیورسٹی میں درخت لگانے کی اہمیت پر زور دیا ۔
اس موقع پر پروفیسر ڈاکٹر ثمینہ افضل ، پروفیسر ڈاکٹر ارشاد احمد ، ڈاکٹر عمران ، ڈاکٹر فرحان اور جم کلب کے ممبران اور طلباء طالبات نے بھی پودے لگائے ۔
ڈی ایس اے ڈاکٹر محمد فواد رسول نے اپنے خطاب میں بتایا کہ چوتھی شجرکاری مہم کے تحت آج ڈھائی سو پودے لگائے گئے ہیں، شجرکاری مہم کے تحت جم کلب یونیورسٹی میں دو ہزار پودے لگانے کا ارادہ رکھتے ہیں، جن میں اب تک پانچ سو پودے لگائے جاچکے ہیں۔
