زکریا یونیورسٹی کی اتھیلٹ کا کارنامہ

بہاء الدین زکریایونیورسٹی ملتان کی اتھلیٹ رخسانہ بی بی نے کانسی کا تمغہ جیت کر اعزاز اپنے نام کرلیا۔

بہاء الدین زکریایونیورسٹی کی اتھلیٹ رخسانہ بی بی نے انٹر یونیورسٹی نیشنل اتھلیٹکس چمپیئن شپ میں حصہ لیا، اور ایچ ای سی کی ٹیم کی نمائندگی کرتے ہوئے سو میٹر رکاوٹی دوڑ میں تیسری پوزیشن حاصل کی، اور کانسی کا تمغہ جیتا۔

رخسانہ بی بی اور ڈائریکٹر سپورٹس عابدہ خان نے وائس چانسلر پروفیسر ڈاکٹر منصور اکبر کنڈی کے ساتھ ملاقات کی۔

ملاقات میں وائس چانسلر نے بے حد مسرت کا اظہار کیا ، اور رخسانہ بی بی کی کاوشوں کو سراہتے ہوئے نیک تمنائوں کا اظہار کیا۔