ایمرسن یونیورسٹی کے طلباء کا اعزاز
ایمرسن یونیورسٹی ملتان کے دو ہونہار طلبا نے محمد نواز شریف یونیورسٹی آف ایگریکلچر ملتان میں منعقدہ آل پنجاب انٹر یونیورسٹی ڈیکلیمیشن مقابلوں میں پہلی پوزیشن حاصل کی ہے۔
قمر محی الدین (شعبہ کیمسٹری) نے اردو تقریر میں پہلی اور بشریٰ مشتاق (شعبہ نفسیات) نے انگریزی تقریر میں پہلی پوزیشن حاصل کی۔
اس موقع پر وائس چانسلر ایمرسن یونیورسٹی ملتان پروفیسر ڈاکٹر محمد رمضان نے اپنے پیغام میں کہا کہ ایمرسن یونیورسٹی کے طلباء و طالبات نصابی اور ہم نصابی سرگرمیوں میں بہترین اور اعلیٰ مقام حاصل کرکے ادارے کا نام روشن کر رہے ہیں۔
یہ بتاتے ہوئے خوشی ہو رہی ہے کہ ہمارے طلباء نے قومی سطح پر اپنے مثبت اثرات چھوڑنا شروع کر دیے ہیں۔
انہوں نے اس موقع پر ایمرسن یونیورسٹی ڈیبیٹنگ سوسائٹی کے چئیرمین ناصر عمران اور ڈائریکٹر سٹوڈنٹس افیئرز مقصود رضوی کی کاوشوں کو سراہا۔
