نواز شریف انجینئرنگ یونیورسٹی کا پہلا کانووکیشن آج ہوگا

گورنر پنجاب انجینئر بلیغ الرحمان آج صبح 10 بجے محمد نواز شریف یونیورسٹی آف انجینئرنگ اینڈ ٹیکنالوجی کے کانووکیشن کی صدارت کریں گے، اور طلبہ وطالبات کو اسناد ایوارڈ کریں گے۔

رجسٹرار ڈاکٹر عاصم منیر کا کہنا ہے کہ اس کانووکیشن میں 807 طلباء کو ڈگریاں دی جائیں گی، جبکہ میڈل کے حقدار 31 طلباء ہیں، جن کو گورنر میڈل عطا کریں گے ۔

ان طلبا کا تعلق الیکٹریکل ، کیمیکل میکنیکل انجینئرنگ کے ساتھ سول ، ٹیکنالوجی ، کمپیوٹر سائنس ، فزکس ، کیمسٹری اور پروجیکٹ مینجمنٹ کورس سے ہے، کانووکیشن کی تقریب 11 بجے ہوگی۔