وزیر تعلیم پنجاب نے نان فارمل اساتذہ کو تنخواہیں دینے کا اعلان کردیا
![](https://dreporters.com/wp-content/uploads/2021/09/IMG_20210907_001215.jpg)
وزیر تعلیم رانا سکندر حیات سے نان فارمل سکولوں کے اساتذہ کی ملاقات ہوئی، اساتذہ نے وزیر تعلیم کو اپنے پیشہ ورانہ مسائل و مشکلات سے آگاہ کیا، اساتذہ نے وزیر تعلیم کو گزشتہ 10 ماہ سے تنخواہیں نہ ملنے بارے بھی آگاہ کیا۔
اساتذہ کی وزیر تعلیم سے تنخواہوں کے معاملے پر فوری ایکشن لینے کی درخواست وزیر تعلیم کا سیکرٹری نان فارمل ایجوکیشن سے رابطہ، معاملے کی حساسیت پر تفصیلی مشاورت کے بعد وزیر تعلیم کی سیکرٹری لٹریسی کو مسئلے کے فوری حل کیلئے ہنگامی اقدامات کی ہدایت کی اور آئندہ 20 سے 30 دنوں میں اساتذہ کو تنخواہوں کی ادائیگی یقینی بنانے کا حکم جاری کیا۔
وزیر تعلیم کا کہنا تھا کہ اساتذہ کے مسائل کا بروقت ازالہ ہماری ذمہ داری ہے، مسائل سے آگاہی کیلئے ٹیچر کمپلینٹ پورٹل اور سٹیزن کمپلینٹ پورٹل پر کام جاری ہے، اساتذہ کے مسائل کے حل کیلئے سنجیدہ اقدامات کئے جا رہے ہیں۔