ایجوکیشنل موومنٹ پنجاب کے وفد کی ڈی ای او سے ملاقات
ڈسٹرکٹ ایجوکیشن آفیسر ایلیمنٹری ملتان راؤ شمشاد علی سے ایجوکیشنل موومنٹ پنجاب کے چیئرمین رانا محمد اسلم انجم اور دیگر رہنماؤں نے ملاقات کی۔
ملاقات میں اساتذہ کی ترقیوں (پروموشن) کے عمل میں تیزی لانے اور خالی اسامیوں پر زیادہ سے زیادہ پروموشن کیے جانے کا مطالبہ کیا گیا۔ایجوکیشنل موومنٹ کے وفد میں رانا عدیل، صادق خان، راؤ انعام، عابد محمود، یونس لودھی اور مشتاق حسین شامل تھے۔
وفد نے مؤقف اختیار کیا کہ تاخیر کے باعث اساتذہ شدید ذہنی دباؤ کا شکار ہیں، اس لیے پروموشن کے عمل کو جلد از جلد مکمل کیا جائے۔
اس موقع پر ڈی ای او ایلیمنٹری راؤ شمشاد علی نے اپنے عملے کو پروموشن کے عمل میں تیزی لانے کی ہدایات جاری کرتے ہوئے اساتذہ سے مکمل تعاون کی یقین دہانی کرائی۔
انہوں نے کہا کہ جن اساتذہ کے نام پروموشن کیسز میں شامل ہیں وہ اپنے تمام مطلوبہ کاغذات 28 جنوری 2026 تک دفتر میں لازمی جمع کروا دیں تاکہ کارروائی بروقت مکمل کی جا سکے۔
