جنوبی پنجاب کے سکولوں کے لئے تعلیمی کیلنڈر 23- 2022 جاری کردیاگیا

ڈائریکٹوریٹ ڈی پی آئی سکولز جنوبی پنجاب نے سکولوں کے نیا تعلیمی کیلنڈر 2022-23جاری کردیا ۔

اس سلسلے میں مراسلے میں کہاگیا ہے کہ تمام سی ای اوز کو ہدایت کی جاتی ہے کہ وہ مراسلے کے احکامات پر پوری طرح عمل کریں، اور نئے تعلیمی کیلنڈر کو فوری طور پر سکولوں میں نافذالعمل کریں اور اسکی رپورٹ بھی ارسال کریں ۔

نئے کیلنڈر میں تمام سرکاری ایام منانے کی تقریب منعقد کرانے بھی ہدایت کی گئی، 16دسمبر کو اے پی ایس کے طلباء کی یاد میں دعائیہ تقریب بھی منعقد کرائی جائے ، جبکہ امتحانات سے قبل موک امتحانات کا انعقاد بھی کیا جائے گا۔

مارچ میں پاکستان ڈے منایا جائے گا، اگست میں آزادی کے حوالے سے تواتر سے مقابلے منعقد ہوں گے ،جن میں ڈرامہ، تقریری، پینٹنگ اور دیگر مقابلے شامل ہوں گے ۔

سب سے بڑا جھنڈ ا بنانے کا مقابلہ بھی ہوگا، شجرکاری مہم بھی شروع کی جائے ۔