اسسٹنٹ ایجوکیشن آفیسرز کی پانچ روزہ ٹریننگ اختتام پذیر

گورنمنٹ قائدِاعظم اکیڈیمی فار ایجوکیشنل ڈویلپمنٹ بوسن روڈ ملتان کے زیرِ اہتمام اسسٹنٹ ایجوکیشن آفیسرزکی پانچ روزہ ٹریننگ کے اختتام پر تقسیم اسناد کی تقریب منعقد ہوئی، جسکی صدارت سربراہ ادارہ محترمہ ڈاکٹر سمیرا خان نے کی جبکہ مہمان خصوصی ریجنل پروگرام مینیجر ڈاکٹر صفدر حسین واہگہ تھے۔

ٹریننگ کے حوالے سے اپنے خیالات کا اظہار کرتے ہوئے ڈاکٹر صفدرحسین واہگہ نے اپنے خطاب میں ٹریننگ سے حاصل شدہ ثمرات کو پھیلانے کا کہا۔

پرنسپل ڈاکٹر سمیرا خان نے خطبہ صدارت میں کہا کہ تعلیمی میدان میں بہتر سے بہترین کا سفر تربیت یافتہ افراد سے ہی ممکن ہے۔ ہم سب کو آپ سب پر اعتماد ہے کہ آپ کی وجہ سے تعلیمی میدان میں تبدیلی اور ترقی کا سفر ضرور شروع ہوگا۔

آخر میں شرکا ء میں اسناد تقسیم کی گئیں۔