دھمکیاں ملنے پر طالبہ کو دورہ پڑگیا

زکریا یونیورسٹی کے شعبہ ایجوکیشن کی طالبہ کو ایم ایس ایف کی طرف سے دھمکیاں ملنے پر دوہ پڑ گیا۔

بتایا گیا ہے کہ گزشتہ روز ایم ایس ایف کے طلباء نے ایجوکیشن ڈیپارٹمنٹ کا محاصرہ کیا تو فرسٹ ایئر کی ایک طالبہ خوف زدہ ہوگئی، اور اس کو دورے پڑنے شروع ہوگئے، اس نے دروازہ کھولنے کی کوشش تو زور لگانے پر دروازہ لگنے سے زخمی ہوگئی۔

بعد ازاں طالبہ نے نعرے لگانے والوں پر تھپڑوں کی بارش کردی، لیکن سیکورٹی عملے نے اس کو حفاظت میں لیکر احتجاج کرنے والوں سے دور لے گئے، اور اس کے والدین کو بلا کر حوالے کردیا۔

دوسری طرف اکیڈمک سٹاف ایسوسی ایشن اور چیئرمین ایجوکیشن ڈیپارٹمنٹ نے محاصرہ کرنے والے طلباء کے خلاف درخواست دے دی ہے ۔