انٹرمیڈیٹ امتحانات: صوبے بھر کے امتحانی مراکز میں سی سی ٹی وی کیمرے لگا دیئے گئے

صوبائی وزیر تعلیم کی ہدایت پر ملتان سمیت صوبے میں بنائے گئے انٹر کے حساس امتحانی مراکز میں سی سی ٹی وی کیمرے لگا دیئے گئے ہیں۔

حکام کا کہنا ہے کہ مجموعی طور پر 638 حساس امتحانی سنٹرز میں 2697 کیمرے انسٹال کئے گئے ہیں، صوبے بھر میں انٹرمیڈیٹ امتحانات کیلئے 2395 امتحانی سنٹر قائم کئے گئے ہیں،کل امتحانی مراکز میں سے 823 امتحانی سنٹرز حساس قرار دئیے گئے ہیں۔

مانیٹرنگ کیلئے 2 مقامات پر کنٹرول روم بھی قائم کئے گئے ہیں، مانیٹرنگ یونٹ سے تمام سنٹرز کی مسلسل نگرانی کی جائے گی، کنٹرول روم میں ڈسٹرکٹ وائز مانیٹرنگ کی سہولت موجود ہے، ون کلک پر کسی بھی ڈسٹرکٹ کے امتحانی سنٹر کو مانیٹر کیا جا سکتا ہے۔