محکمہ ہائیر ایجوکیشن کی ای ٹرانسفر پالیسی پر خواتین اساتذہ نے عدم اعتماد کردیا

محکمہ ہائیر ایجوکیشن ڈیپارٹمنٹ کیجانب سے ایک عرصے بعد دوبارہ شروع کی جانے والی اساتذہ کی ای ٹرانسفر پالیسی میں خواتین اساتذہ سے امتیازی سلوک کے کیسز سامنے آنا شروع ہو گئے ہیں۔

کو ایجوکیشن کالجز میں ٹرانسفر کے لئے تمام خواتین اساتذہ کی درخواستیں مسترد کر دی گئیں۔

پالیسی کی غلط تشریح سے میرٹ پر پہلی پوزیشن حاصل کرنے والی خواتین اساتذہ ٹرانسفر سے محروم ہیں۔

ان کاکہنا ہے کہ پالیسی کی غلط تشریح سے خواتین کو ٹرانسفر کے حق سے محروم کیا جا رہا ہے، ای ٹرانسفر میں سینئر خواتین اساتذہ پر جونئیر مرد اساتذہ کو ترجیح دے دی گئی ہے۔

کم میرٹ والے مرد استاد کو زیادہ میرٹ والی خواتین اساتذہ پر ترجیح دینے کا کہیں نہیں لکھا، خواتین اساتذہ نے اعلیٰ حکام سے ای ٹرانسفر پالیسی کی غلط تشریح کا نوٹس لینے کا مطالبہ کیا ہے۔