تعلیمی بورڈ نے اقلیتی امیدواروں کے لئے بڑی رعایت کا اعلان کردیا

 جاری اعلامیہ میں کہاگیا ہے کہ حکومت پنجاب کے قرآن پاک کی لازمی تدریس کے ایکٹ (سال 2018 ترمیم شدہ سال (2021 کی روشنی میں سالانہ امتحان 2023 سے نہم اور گیارہویں جماعتوں کیلئے ترجمتہ القرآن کا پیپر لازمی قرار دیا گیا ہے ۔

غیر مسلم امیدواران ترجمتہ القرآن کی جگہ اخلاقیات کا پیپر دیں گے۔

مزید یہ کہ غیر مسلم امیدواران اسلامیات لازمی کی جگہ مذہبی تعلم اختیار کر چکے ہیں، اوراس کی درسی کتاب فی الحال دستیاب نہیں ہے ۔

لہذٰا پی بی سی سی کے فیصلہ کے تحت غیر مسلم امیدواران کے اخلاقیات میں حاصل کردہ نمبروں کو ڈبل کاؤنٹ کرتے ہوئے مذہبی ایجوکیشن کے نمبر لگا دیئے جائیں گے۔

امیدواران کا امتحان ان کی رجسٹریشن کے مطابق اختیار کردہ مضامین کا ہی ہوگا ۔