فیڈرل بورڈ آف انٹرمیڈیٹ اینڈ سکینڈری ایجوکیشن نے گریڈنگ سسٹم شروع کرنے کا اعلان کردیا

ایف جی بورڈ پاکستان کا پہلا ایجوکیشن بورڈ بن گیا جو انٹر اور میٹرک کے امتحانات میں گریڈنگ سسٹم شروع کررہا ہے، 2023 کے امتحانات پر لاگو ہوگا جو رزلٹ کارڈ جاری کیا جائے گا وہ جی پی اے میں جاری کیا جائے گا۔

بورڈ حکام کے مطابق گریڈنگ کےلئے جو فارمولا ترتیب دیاگیا ہے ،اس کے مطابق اے پلس پلس 95سے 100 فیصد والے نمبروں کےلئے ہوگا، اور اس کی جی پی اے 5 ہوگی۔

اے پلس 90سے 94والوں کو ملے گا، جی پی اے 4.7 ہوگی، اے گریڈ 85 سے 89 کےلئے ہوگا جس کی جی پی اے3.4ہوگی ۔

بی پلس پلس 80سے84فیصد کو ملے گا، جی پی اے 4 ہوگی، بی پلس 75سے79فیصد کو ملے گا ، جس کی جی پی اے 3.7ہوگی ۔

بی گریڈ 70سے 74فیصد والے کو ملے گا ، جی پی اے 3.3ہوگا، سی گریڈ 60سے69 فیصد کو ملے گا، جس کی جی پی اے 3 ہوگی۔

ڈی گریڈ 50سے 59فیصد کو ملے گا، جی پی اے 2 ہوگا ، جبکہ ای گریڈ 40سے49فیصد کو ملے گا، جس کی جی پی اے ایک ہوگی۔