یو ای ٹی ملتان کی انتظامیہ کا لاڑ کیمپس کا دورہ
ایم این ایس یونیورسٹی آف انجینئرنگ اینڈ ٹیکنالوجی ملتان کے رجسٹرار ڈاکٹر محمد عاصم عمر، کنٹرولر امتحانات ڈاکٹر ایاز احمد، انجینئر علی سروش، کیمیکل انجینئرنگ کے محبوب احمد عادل، انجینئر عثمان عظیم ، انجینئر کاشف ظہور اور یو ای ٹی کے اساتذہ کرام کے ہمراہ لاڑ کیمپس کا دورہ کیا۔
انہوں نے یونیورسٹی میں بننے والی لیبارٹریز کے بارے میں ٹھیکدار کو آگاہ کیا، اور انہیں ہدایت کی کہ لیبارٹری کی تعمیر پر کسی بھی قسم کی کوتاہی برداشت نہیں کی جائے گی ، لیبارٹری ہی ایک اچھے انجینئر کی بنیاد ہوتی ہے ، جو وہ یہاں سے سیکھتا اسے اگے منتقل کرتا ہے، یو ای ٹی ملتان کی لیبارٹری انٹرنیشنل معیار پر پورے اترے گی۔
اس موقع پر انہوں نے یونیورسٹی کے تعمیری کام کابھی جائزہ لیا، ان کا کہنا تھا کہ دو سے تین مہینوں میں یونیورسٹی کے تعمیراتی کام مکمل کرالیں گے، اور اگلے سال یونیورسٹی مین کیمپس میں شفٹ ہو جائے گی ۔
طلباء وطالبات کی آسانی کے لیے یو ای ٹی ملتان اپنی بس سروس چلائے گی تاکہ کسی کو بھی کسی قسم کی دشواری کا سامنا نہ کرنا پڑے، ہم طلباء کے تعلیمی معیار پر کسی قسم کی کوتاہی برداشت نہیں کرینگے۔
یونیورسٹی معیار تعلیم پر ہی جنوبی پنجاب میں اپنا علیحدہ مقام بنارہی ہے، اور ہمارے کے بہترین انجینئر پیدا کررہی ہے، جس میں ہمارے اساتذہ کرام کا اہم کردار ہے۔
