پی ایس ایل 8 : ملتان سلطانز کے لئے پلان تیار، اعصاب پر قابو رکھنے والی ٹیم ہی کامیاب ہوگی۔ انضمام الحق
پشاور زلمی کے پریذیڈنٹ انضمام الحق کا کہنا ہے کہ اپنے اعصاب پر کنٹرول رکھنے والی ٹیم ہی فتح یاب ہوگی ۔
رضوان اور روسو کےلئے پلاننگ تیار ہے، ابھی بتا نہیں سکتے، فیلڈنگ کو بہتر بنانے کےلئے خصوصی سیشن کیا ہے ۔
یہ بھی پڑھیں ۔
انضمام الحق نے بابر اعظم کو عہد کا "بڑا کھلاڑی” قرار دے دیا
وہ ملتان سٹیڈیم میں پریس کانفرنس کررہے تھے، انہوں نے کہا جس طرح پی ایس ایل کا آغاز ہوا وہ شاندار ہے، اس سے کوالٹی کرکٹ سامنے آئے گی ۔
پشاور زلمی نے اپنے پہلے میچ میں جس طرح جیت حاصل کی اس کے اثرات آنے والے میچوں پر پڑیں گے، ہم نے آخری گیند تک کوشش کی، بالر نے ہمت نہیں ہاری اور اس طرح دو رنز سے فتح ملی، ہمارے کسی کھلاڑی کی باڈی دباؤ کا شکار نہیں تھی، ایسی فتح سے ٹیم کا کمبی نیشن بنتا ہے۔
انہوں نے کہا مس فیلڈنگ پر کام کیا گیا ہے، اس سیشن میں خود فیلڈنگ کی پریکٹس کرائی ہے ، سارے سینئر کھلاڑی ہیں اور خوب سمجھتے ہیں کہ کس طرح اپنی کمی کو پورا کرنا ہے ۔
اس طرز کی کرکٹ میں ہم ایک کیچ پکڑ کر یا نوبال وائیڈ بال روک 10سکور بچا سکتے ہیں تو جیت کےلئے کافی ہوتے ہیں۔
انہوں نے کہاکہ کھلاڑیوں کے درمیان مقابلے کی فضا ہونا ضروری ہے، ماضی میں بھی کھلاڑیوں میں مقابلہ ہوتا تھا ، اس سے کوالٹی کرکٹ سامنے آتی ہے ۔
پاکستانی کراؤڈ کی خاصیت ہے کہ وہ سب کو برابر سپورٹ کرتے ہیں، ملتان کے شائقین بھی میرے ہیں اس لئے کوالٹی کرکٹ کو سپورٹ کریں گے ۔
