پیک نے امتحانی طریقہ کار تبدیل کردیا

پنجاب ایگزامینیشن کمیشن نے سکولوں کا امتحانی طریقہ کار تبدیل کردیا، نیا امتحانی طریقہ پہلی سے آٹھویں جماعت تک نافذ العمل ہوگا۔

جاری مراسلے کے مطابق نئے امتحانی طریق کار کے مطابق اب بچوں کا رزلٹ کارڈ 3 امتحانات پر تیار کیا جائے گا، بچوں سے فرسٹ ٹرم ،مڈ ٹرم اور حتمی امتحان لیا جائے گا، پیک آئٹم بینک کے ذریعے سکولوں کو سوالیہ پیپر فراہم کریگا۔

فرسٹ ٹرم کا امتحان ستمبر کے آخری ہفتہ میں لیا جائے گا، مڈ ٹرم کا امتحان دسمبر کے دوسرے ہفتہ میں لیا جائے گا، جبکہ حتمی امتحان مارچ کے دوسرے یا تیسرے ہفتہ میں منعقد کیا جائیگا۔

سوالیہ پیپرز امتحان سے ایک ہفتہ قبل فراہم کئے جائیں گے، سوالیہ پیپرز قائد اکیڈمی کی جانب سے تعلیمی کلینڈر کے مطابق تیار کئے جائیں گے۔