درجہ چہارم کی بھرتی : انٹرویو 14 دسمبر سے شروع ہوں گے
سی ای او ایجوکیشن ملتان اتھارٹی شمیشر خان نے درجہ چہارم کی بھرتی کےلئے انٹرویو کے شیڈول جاری کردیا ، جس کے مطابق ملتان سٹی کے انٹرویو 14دسمبر کو ہوں گے۔
مردوں کے انٹرویو پائلٹ سکینڈری سکول ملتان جبکہ خواتین کے گرلز سکول نمبر1 نواں شہر ملتان میں ہوں گے ۔
ملتان صدر کے سکولوں کےلئے انٹرویو 15دسمبرکو ہوں گے ، مردوں کے انٹرویو کمپری ہینسو بوائز سکول جبکہ خواتین کے گرلز کمپری ہنسوسکول ملتان میں ہوں گے ۔
شجاع آباد کے سکولوں کےلئے انٹرویو 16دسمبر کو ہونگے، مردوں کے ہائی سکول تلکوٹ میں جبکہ خواتین کے گرلز ہائی سکول شجاع آباد میں ہوں گے ۔
جلالپور پیروالا میں مردوں کے انٹرویو ہائرسکینڈری سکول جبکہ خواتین کے گرلز ہائیر سکینڈری سکول جلالپور پیروالا میں ہوں گے ۔
تمام امیدواروں کو ہدایت کی گئی ہے کہ وہ مقررہ تاریخ پر حاضر ہوں ، الگ سے انٹرویو کا مراسلہ جاری نہیں کیا جائے گا۔
