سکول اساتذہ کے تبادلوں پر پابندی ختم

سکول ایجوکیشن ڈیپارٹمنٹ تبادلوں پر سے پابندی اٹھا لی، آج 8 مئی سے پنجاب کے ٹیچر تبادلوں کے لئے درخواست دے سکیں گے۔ تبادلوں کے لئے اساتذہ کی آن لائن درخواستیں 10 مئی تک وصول کی جائیں گی۔

پنجاب کے ایجوکیشن ڈیپارٹمنٹ میں ٹرانسفرز پر کافی عرصہ سے پابندی عائد تھی اور ضرورت مند ٹیچرز پابندی ہٹنے کا بیتابی سے انتظار کر رہے تھے۔

ایجوکیشن ڈیپارٹمنٹ کی پالیسی کے مطابق سر دست صرف تعیناتیوں کے منتظر ٹیچرز ہی ٹرانسفرز کے لئے درخواست دے سکیں گے۔

دس مئی تک تبادلوں کے لئے ٹیچرز کی درخواستوں کی ویری فیکیشن 11 مئی کو کی جائے گی۔ جن ٹیچرز کے ٹرانسفر ٹیکنیکلی ممکن ہوں گے، ان کے تبادلوں کے احکامات 13 مئی کو جاری کر دیئے جائیں گے۔