سکول سربراہوں کے الاؤنس میں اضافے کا فیصلہ کر لیا گیا

پرائمری ہیڈ ٹیچرز کا الاؤنس 5 ہزار ،مڈل سکول ہیڈ کا الاؤنس 8 ہزار، ہائی سکولزکا 15 ہزار اورہائر سکینڈری سکول کے ہیڈ ٹیچر کا ماہانہ الاؤنس 20 ہزار ہوگا۔

سکول ہیڈز، سی ای اوز اور ڈی پی آئیزکے الاؤنس میں اضافے کیلئے تجاویز مرتب کرلی گئیں۔ دس سال سے الاؤنس میں اضافہ نہیں کیا گیاتھا۔

پرائمری ہیڈ ٹیچرزکا الاؤنس پانچ سو سے بڑھاکر5 ہزارکیا جائیگا۔

مڈل سکول ہیڈ کا الاؤنس 8 سو سے بڑھاکر8 ہزار، ہائی سکولزکے ہیڈزکا الاؤنس 12 سو بڑھا کر15 ہزار کئے جانے کا امکان ہے۔

اسی طرح ہائرسکینڈری سکول کے ہیڈ ٹیچر کا الاؤنس 15 سو سے بڑھاکر20 ہزارکیا جائےگا۔

سی ای اوکاالاؤنس اڑھائی ہزار سے بڑھا کر 30 ہزارکیاجائیگا۔

ڈی پی آئی کا الاؤنس 6 ہزار سے بڑھاکر35 ہزار کیا جائیگا۔

الاؤنس کی منظوری کیلئے تجاویز محکمہ کی جانب سے وزیر اعلی کو جلد ارسال کی جائیگیں ۔