گیس میٹر پر کیمپریسر لگانے والے 65 صارفین پکڑے گئے

جنرل منیجر سوئی گیس ملتان ریجن شہزاد اقبال لون کی ہدایت پر جنوبی پنجاب میں سوئی گیس میٹر پر غیر قانونی کمپریسر کے استعمال کے خلا ف کریک ڈاؤن جاری ہے۔

ٹاسک فورس ٹیم نے گزشتہ دنوں میں کارروائی کرتے 65 گیس میٹرز منقطع کیے۔
ٹیم نے ملتان شہر میں 55 اورمیاں چنوں میں 10 گیس میٹر منقطع کئے۔

اس موقع پر جنرل منیجر شہزاد اقبال لون نے کہا کہ گیس میٹر پر کمپریسر کے غیر قانونی استعمال کے خلاف موسم سرما تک آ پریشن جاری رہے گا ۔

کریک ڈاؤن کا مقصد شہریوں کوموسم سرما میں مطلوبہ پریشر پر سوئی گیس کی فراہمی کو ممکن بنانا ہے تاکہ عوام کو کم گیس پریشر کا سامنا نہ کرنا پڑے۔