نوا زشریف زرعی یونیورسٹی میں کیمیکل سیفٹی لیب کا افتتاح

ایم این ایس زرعی یونیورسٹی میں اکیڈیمیاانڈسٹری لنکیج کے اشتراک سے کیمیکل سیفٹی لیب کے قیام کے حوالے سے افتتاحی تقریب منعقد کی گئی۔
جس کی صدارت رئیس جامعہ پروفیسر ڈاکٹر آصف علی (تمغہ امتیاز) نے کی، تقریب سے خطاب کرتے ہوئے وائس چانسلر نے کہا کہ جنوبی پنجاب میں زرعی یونیورسٹی ملتان تیزی سے ترقی کر رہی ہے اورا نڈسٹری کے ساتھ کام کرنے کے لئے ہمیشہ کوشاں رہی ہے۔

انہوں نے مزید کہا کہ ایم این ایس زرعی یونیورسٹی نہ صرف قومی مقصد کے لئے اپنا کردار ادا کر رہی ہے، بلکہ دیگر صنعتی تنظیموں اور یونیورسٹیوں کے لئے راہ بھی ہموار کر رہی ہے۔ تا کہ وہ مشترکہ مفادات کے لئے ایک ٹیم کی حیثیت سے کام کر سکیں۔
اسی لئیے کراپ لائف پاکستان نے کیمیائی سیفٹی لیب کی سر پرستی ایم این ایس زرعی یونیورسٹی ملتان کو دی ہے۔ جس کا افتتاح وائس چانسلر پروفیسر ڈاکٹر آصف علی اور رشید احمد ایگزیکٹو ڈائریکٹر کراپ لائف ایسوسی ایشن نے کیا۔
اس موقع پر (BASF) سے عاطف کمال، ملک حیدر، مسٹر مرتضی قدسی،ڈین سوشل سائنسز ڈاکٹر عرفان احمد بیگ، ڈاکٹر اشفاق احمد، ڈاکٹر آصف رضا اور ڈاکٹر عابد حسین موجود تھے۔