وزیراعظم گرین یوتھ موومنٹ فارسٹری کلب کا افتتاح
بہاء الدین زکریایونیورسٹی ملتان فیکلٹی آف فارمیسی میں ہائر ایجوکیشن کمیشن کی مالی معاونت سے وزیراعظم گرین یوتھ موومنٹ فارسٹری کلب کا افتتاح کیاگیا۔
اس موقعہ پر جی وائی ایم پروگرام کے فوکل پرسن ڈاکٹر محمد فواد رسول نے کلب کے بارے میں اور اس کے عزائم کے بارے میں وائس چانسلر پروفیسر ڈاکٹر منصور اکبر کنڈی کو بریفنگ دی ۔
اس موقع پر ڈین فیکلٹی آف فارمیسی پروفیسر ڈاکٹر محمد عزیر، چیئرمین شعبہ سیاسیات پروفیسر ڈاکٹر مقرب اکبر اور اساتذہ اور طلباء طالبات بھی موجود تھے۔
کلب کے کوآرڈینیٹر ڈاکٹر انیس نے فیکلٹی آف فارمیسی اور شعبہ سیاسیات کے طلباء طالبات کا تعارف کروایا، اور بتایا کہ ہم ’’اڈاپٹ اے ٹری‘‘ پروگرام شروع کررہے ہیں، اور اس میں یونیورسٹی سٹوڈنٹس ایک پودا لینے اور اس کی دیکھ بھال کے ذمہ دار بھی ہوں گے۔
آخر میں کیک کاٹا گیا، اور وائس چانسلر پروفیسر ڈاکٹر منصور اکبر کنڈی ، ڈین فیکلٹی آف فارمیسی پروفیسر ڈاکٹر محمد عزیر ، چیئرمین شعبہ سیاسیات پروفیسر ڈاکٹر مقرب اکبر ، ڈائریکٹر آربوریکلچر پروفیسر ڈاکٹر احسان قادر بھابھہ، اساتذہ اور طلباء طالبات نے پودے لگائے۔
تقریب سے خطاب کرتے ہوئے وائس چانسلر پروفیسر ڈاکٹر منصور اکبر کنڈی نے کلب کے ارکان کو ہرممکن تعاون کی یقین دہانی کرائی، اور درخت لگانے اور اڈاپٹ کرنے کی اہمیت پر زور دیا۔
ڈائریکٹر آربوریکلچر پروفیسر ڈاکٹر احسان قادر بھابھہ نے پاکستان میں جنگلات کی کمی کو پورا کرنے اور درخت لگانے کی ضرورت پر زور دیا۔
