علامہ اقبال اوپن یونیورسٹی نے طلباء وطالبات کی سہولت کے لیے موبائل ایپ متعارف کروادی

اس ایپ کو طلباء وطالبات اپنے اینڈرائڈ موبائل پر پلے سٹور کے ذریعہ ڈاؤن لوڈ کر سکتے ہیںز اس ایپ کا مقصد طلباء وطالبات کو ان کی دہلیز پر معلومات فراہم کرنا ہے۔

اس ایپ سے طلباء وطالبات اپنا داخلہ، امتحانی رولنمبر سلپ، رزلٹ،CMS اکاؤنٹ، آگہی ایل ایم ایس پورٹل، ٹیوٹرز، Jobs،لائبریری نیٹ ورک کے بارے میں معلومات باآسانی حاصل کر سکتے ہیں۔

یہ بات ملتان کیمپس کے ریجنل ڈائریکٹر غلام حسین کھوسہ نے کہی، انہوں نے مزید کہا کہ سمسٹر بہار 2024 سمسٹر کے طلباء وطالبات اپنی امتحانی رولنمبر سلپ اس ایپ سے ڈاؤن لوڈ کریں گے، رولنمبر سلپ ان کا ایڈریس پر علیحدہ سے نہیں بھجوائی جائے گی، اگر کسی طالب علم کو اس ایپ کے بارے میں مزید معلومات حاصل کرنا ہو تو وہ یونیورسٹی کے علاقائی کیمپس سے رابطہ کر سکتا ہے۔