قانونی تقاضے پورے کرکے ایل ایل بی کا امتحان لینے کا حکم

گورنر چانسلر نے زکریا یونیورسٹی کو ایل ایل بی تین سالہ پروگرام کے طلباء کا امتحان قانونی تقاضے پورے کرکے لینے کی ہدایت کردی۔

بتایا گیا ہے کہ عدیل حسن نامی شخص چانسلر کو درخواست دی تھی کہ ایل ایل بی تین سالہ پروگرام کے پارٹ سکینڈ کے طلباء کا امتحان نہیں لیا جارہا، اسی طرح ایل ایل 5سالہ پروگرام کے طلباء بھی متاثر ہو رہے ہیں جبکہ یونیورسٹی سے الحاق شدہ کالجز کے طلباء کےلئے تاحال کوئی فیصلہ نہیں کیاگیا اورنہ ہی مطالعاتی سنٹر بنایا گیا ہے۔

جس پر چانسلر نے مراسلہ جاری کرتے ہوئے یونیورسٹی کوہدایت کی ہے کہ قانون/قواعد/پالیسی کے مطابق درخواست گزار کے تحفظات دور کئے جائیں ۔