ملتان ڈسٹرکٹ ون ڈے ناک آؤٹ کرکٹ چیمپئن شپ
ملتان ڈسٹرکٹ کرکٹ ایسوسی ایشن کے زیر اہتمام جاری ملتان ڈسٹرکٹ ون ڈے ناک آؤٹ کرکٹ چیمپین شپ کے سلسلہ میں کھیلے گئے میچ میں فالکن کرکٹ کلب ملتان نے رانا کرکٹ کلب ملتان کو آٹھ وکٹ سے شکست دے دی۔
رانا کرکٹ کلب پہلے کھیلتے ہوئے تمام کھلاڑیوں کے نقصان پر 135رنز بنا سکی، فیض یاب 24 ملک آصف 23 عمر حسین 22اور محمد یوسف نے 18رنز بنائے۔
فالکن کلب کی طرف سے عاطف رحمان نے شاندار باولنگ کرتے ہوئے چار کھلاڑیوں کو آوٹ کیا، احمد رضا اور واجد حسین نے دو دو وکٹ جبکہ مبشر زمان نے ایک وکٹ حاصل کی۔
بعد میں کھیلتے ہوئے فالکن کلب نے مطلوبہ ہدف با آسانی دو وکٹ کے نقصان پر حاصل کرلیا، عاطف رحمان نے 84رنز ناٹ آؤٹ اور معاذ بن اکبر نے 29رنز ناٹ آؤٹ بنائے، رانا کلب کی طرف سے دانیال بنارس اور ثنااللٰلہ نے ایک ایک وکٹ حاصل کی، عاطف رحمان مین آف دی میچ قرار پائے۔
دلشاد علی اور وسیم شاہ ایمپائرز سلمان علی سکورر تھے، آج بولان کلب اور شریف ڈوگر میموریل کے درمیان میچ کھیلا جائے گا۔
