پاکستان بمقابلہ ساؤتھ افریقہ ون ڈے سیریز: مشن وائٹ واش مکمل، پاکستان نے تیسرا میچ 36 رنز سے جیت کر تاریخ رقم کردی

اکیسویں صدی میں ساؤتھ افریقہ کو اسی کے ہوم گراؤنڈ پر 3 مرتبہ سیریز جیتنے والی پہلی ٹیم بن گئی۔
محمد رضوان کی قیادت میں سیریز جیتنے کی ہیٹرک مکمل، ساؤتھ افریقہ کو ساؤتھ افریقہ میں وائٹ واش کرنے والی دنیا کی پہلی ٹیم بن گئی ۔

جوہانسبرگ میں کھیلے گئے میچ میں پاکستان نے 36 رنز سے کامیابی حاصل کرکے سیریز میں وائٹ واش کرتے ہوئے ٹی ٹوئینٹی سیریز کا بدلہ چکا دیا۔

بارش کی وجہ سے ٹاس تاخیر کا شکار ہوا اور پھر وقفے وقفے سے بارش نے کھیل مزید لیٹ کردیا، جس پر ایمپائرز نے میچ کو 47 اوورز تک محدود کرتے ہوئے کھیل شروع کروایا ۔

ساؤتھ افریقہ کی دعوت پر پہلے کھیلتے ہوئے پاکستان نے مقررہ 47 اوورز میں 9 وکٹوں کے نقصان پر 308 رنز بنائے صائم ایوب 101، محمد رضوان 53، بابر اعظم 52، سلمان علی آغا 48، طیب طاہر 28 رنز کی بدولت پروٹیز کو جیت کےلئے 309 کا ٹارگٹ ملا، ہدف کے حصول میں ساؤتھ افریقن بیٹرز 271 رنز پر حوصلہ ہار گئے اور پوری ٹیم 42 ویں اوور میں آؤٹ ہو گئی ۔

ساؤتھ افریقہ نے بیٹنگ شروع کی تو اس کو 25 رنز کا اوپننگ سٹینڈ ملا، ٹیمبا 8 رںز بنا کر نسیم شاہ کا شکار ہوئے، ٹونی ڈی زورزی کو 26 کے ذاتی سکور پر شاہین شاہ آفریدی نے آؤٹ کیا ۔

آئیڈن مرکم 19 سکور پر سفیان مقیم کی گیند کر کامران غلام کو کیچ دے بیٹھے ، ریسی وینڈر دوسان محمد حسنین کی گیند پر ایل بی ڈبلیو آؤٹ ہوئے انہوں نے 35 سکور بنائے ۔

ڈیوڈ ملر کو 3 کے ذاتی سکور پر صائم ایوب نے پویلین لوٹ جانے پر مجبور کر دیا، ہنرچ کلاسںن نے کھیل کو دلچسپ بنایا ، 29 گیندوں پر ففٹی مکمل کی جس میں 4 چھکے اور 1 چھکا شامل تھا۔ ہنرچ کلاسںن 43 گیندوں کا سامنا کرنے کے بعد 81 سکور پر شاہین شاہ آفریدی کی گیند پر طیب طاہر کے ہاتھوں کیچ آؤٹ ہوئے ، ان کی اننگ میں 12 چوکے 2 چھکے شامل تھے ۔

مارکو جینسن نے 26 سکور کا حصہ ملایا اور سفیان مقیم کو وکٹ دے بیٹھے، ان کا کیچ صائم ایوب نے پکڑا ۔

بجیرون فورٹین 8 سکور بناکر نسیم شاہ جبکہ کاگیسو ربادہ 14، کوینا مپاکا بنا کوئی رن بنائے سفیان مقیم کا شکار بن گئے اور کاربن بوچ 40 پو ناٹ آؤٹ رہے۔

پاکستان کی جانب سے سفیان مقیم نے 4، شاہین شاہ آفریدی ، نسیم شاہ نے 2-2 جبکہ محمد حسنین اور صائم ایوب نے 1-1 وکٹ حاصل کی ۔

قبل ازیں پہلے کھیلتے ہوئے پاک الیون بابر اعظم اور محمد رضوان کی نصف سنچریوں کے ساتھ صائم ایوب کی مسلسل دوسری سنچری کی بدولت 9 وکٹوں کے نقصان پر ساؤتھ افریقہ کو جیت کےلئے 308 کا مجموعہ تشکیل دینے میں کامیاب ہوئی۔

جوہانسبرگ کے وینڈریر اسٹیڈیم میں جاری پاکستان ساؤتھ افریقہ ون ڈے سیریز کے تیسرے میچ میں ساؤتھ افریقہ نے ٹاس جیت کر پہلے پاکستان کو بیٹنگ کی دعوت دیتے ہوئے فیلڈنگ کا فیصلہ کیا ۔

پاکستان نے بیٹنگ شروع کی تو عبداللہ شفیق بنا کوئی رن بنائے 0 پر پویلین لوٹ گئے ، جنوبی افریقہ کے خلاف ون ڈے سیریز میں انہوں نے 0 پر آؤٹ ہوکر اپنی "ڈک-ہیٹرک” مکمل کی، اس قبل سیریز کے دونوں میچوں میں بھی وہ بنا کوئی رن بنائے آؤٹ ہوئے ۔ کاگیسو ربادہ نے قن کو آئیڈن مرکم کے ہاتھوں کیچ آؤٹ کروایا ۔

دوسری وکٹ کی شراکت میں صائم ایوب اور بابر اعظم نے ذمہ دارانہ بیٹنگ کرتے ہوئے ٹیم کو دباؤ سے نکالتے ہوتے گراؤنڈ کے چاروں جانب شاندار شارٹس کھیل کر شائقین سے داد وصول کی ۔

دونوں بیٹرز نے اپنی نصف سنچری اور سنچری مکمل کی، صائم ایوب نے 91 گیندوں کا سہارا لیتے ہوئے 13 چوکوں 2 چھکوں کی مدد سے کیرئیر کی دوسری سنچری مکمل کی جبکہ بابر اعظم نے 64 گیندوں پر 7 چوکوں کا سہارا لیتے ہوئے 34ویں نصف سنچری مکمل کی ۔

دوسری وکٹ کی شراکت داری میں 114 رنز بنے، بابر اعظم 52 سکور بنا کر کیونا مپاکا کی گیند پر ڈیوڈ ملر کو کیچ دے بیٹھے۔

محمد رضوان اس صائم ایوب نے محتاط انداز میں سکور کارڈ آگے بڑھایا، صائم ایوب نے اپنے کیریئر کی دوسری سنچری مکمل کی اور بوچ کی گیند پر وکٹوں کے پیچھے کیچ آؤٹ ہوئے ۔

کامران غلام بنا کوئی رن بنائے فورٹین کا شکار بنے جبکہ محمد رضوان نے 48 گیندوں پر 15ویں ففٹی مکمل کی، جس کے لئے انہوں نے 5 چوکوں اور 1 چھکے کا سہارا لیا تاہم وہ بڑی اننگ نہ کھیل سکے اور فورٹین کو وکٹ دے بیٹھے ۔

سلمان علی آغا اور طیب طاہر نے ملکر پارٹنر شپ قائم کرتے ہوئے 74 رنز بنائے۔ سلمان علی آغا 2 رنز کے فرق سے اپنی چھٹی نصف سنچری مکمل نہ کرسکے اور مپاکا کا شکار بن گئے۔

شاہین آفریدی ایک گیند کے مہمان ثابت ہوئے اور 0 پر پویلین چلتے بنے، طیب طاہر بھی وکٹ نہ بچا سکے اور 28 کے ذاتی سکور پر جینسن کے ہاتھوں انہی کی گیند پر کیچ آؤٹ ہوگئے ۔

46 ویں اوور میں 3 پاکستانی پلئیر پویلین لوٹے، آخری چار وکٹیں صرف 5 رنز کا حصہ ملا سکی۔ محمد حسنین چوکا لگا کر آؤٹ ہوئے ۔ نسیم شاہ 5 اور سفیان مقیم بنا کوئی رن بنائے ناٹ آؤٹ رہے ۔

ساؤتھ افریقہ کی جانب سے کاگیسو ربادہ نے 3، جینسن ،بجیرون فورٹین نے 2-2، مپاکا اور بوچ نے 1-1 وکٹ حاصل کی ۔

سنچری بنانے، وکٹ لینے اور 2 کیچ پکڑنے پر صائم ایوب کو پلئیر آف دی میچ اور پوری سیریز میں عمدہ کارکردگی کا مظاہرہ کرنے پر پلئیر آف دی سیریز قرار دیا گیا ۔