پی ایس ایل 8 :ملتان اسٹیڈیم کے باہر پولیس کا سفاکانہ لاٹھی چارج
ملتان کرکٹ اسٹیڈیم کے باہر پولیس کا سفاکانہ لاٹھی چارج، کرکٹ فینز پر لاٹھیاں برساکر زمین بوس کردی، کئی لوگوں کی ہڈیاں ٹوٹ گئیں۔کرکٹ فینز خون میں لت پت باہر پڑے رہے۔
یہ بھی پڑھیں ۔
رنگ و نور کی برسات میں پی ایس ایل سیزن 8 کا شاہانہ آغاز، نجم سیٹھی کا کوئٹہ اور پشاور میں اگلے پڑاؤ کا اعلان
پی ایس ایل 8 کی افتتاحی تقریب میں پولیس نے تاخیر سے آنے والے شائقین کے لیے گیٹ تک نہ کھولا۔ شائقین کی طرف سے نعرے بازی پر پولیس کا لاٹھی چارج شروع ہوگیا۔
یہ بھی پڑھیں ۔
پی ایس سیل 8 : ملتان سٹیڈیم میں جعلی ٹکٹوں کی بھر مار، شکایت پر پولیس کا آپریشن تین افراد گرفتار
متعدد شائقین ریزر وائر میں لگ کر زخمی ہو گئے،ریسکیو کے جوانوں نے زخمیوں کو طبی امداد دی، شائقین کی پولیس کے خلاف نعرے بازی کی وجہ یہ تھی کہ پہلے ٹیموں کے روٹ لگنے کی وجہ سے فینز بروقت اسٹیڈیم نہ پہنچ سکے، بعد میں سلو پراسس کے باعث افتتاحی تقریب سے محروم رہے۔
پی ایس ایل 8 کی افتتاحی تقریب سے تھوڑی دیر قبل یہ واقعہ پیش آیا۔
فینز نے پولیس کے خلاف شدید نعرے بازی کی اور گراؤنڈ کے دروازوں پر چڑھنے کی کوشش کی، تو انہیں مارا پیٹا گیا۔
