چیئرمین پنجاب ٹیچرز الائنس نے احتجاج کا شیڈول جاری کردیا

سکولوں کی نجکاری روکنے اور اساتذہ کے مسائل کے حل کے لئے پنجاب بھر میں احتجاج کافیصلہ، شیڈول جاری کر دیا گیا۔

مرکزی سیکرٹری میاں طیب احمد بودلہ کا کہنا ہے کہ چیئرمین پنجاب ٹیچرز الائنس، پنجاب حافظ غلام محی الدین نے سرکاری تعلیمی اداروں کی نجکاری اور اساتذہ کو درپیش دیگر مسائل و مطالبات کے حل کے لیے پنجاب ٹیچرز الائنس، پنجاب کےپلیٹ فارم سےاحتجاجی شیڈول کا اعلان کر دیا، جس کے مطابق 21 ستمبر کو صوبہ بھر کے تمام اضلاع میں پریس کلبوں اور دیگر اہم مقامات پر احتجاجی مظاہرے کیے جائیں گے۔

5 اکتوبر کو پریس کلب لاہور سے وزیر اعلیٰ ہاؤس تک احتجاجی ریلی ودھرنا ہوگا، احتجاجی تحریک مطالبات کی منظوری تک جاری رہے گی۔