زکریا یونیورسٹی میں خلاف قانون ترقی پانے والے انجینئرز پر ریزیڈنٹ آڈیٹر نے اعتراضات لگا دیئے

زکریا یونیورسٹی نے سیاسی مداخلت پر ایڈہاک پر بھرتی ہونے والے دو اسسٹنٹ انجینئرز کو براہ راست ترقی دے کر ڈائریکٹ ایکسیئن لگا دیا تھا، قانون کے مطابق ایڈہاک پر کام کرنے والے ملازمین کو ترقی نہیں دی جاسکتی اور ان کو بڑی اسائمنٹ بھی نہیں دی جاسکتی، جس کی وجہ ان کی مستقل ملازم نا ہونا ہے۔

مگر یونیورسٹی ایک بڑے سیاسی رہنما کے سامنے بے بس ہوگئی، اب آر اے نے علی کھوکھر اور ہاشم تلہ پر اعتراضات لگا دیئے کہ یہ قانون کے مطابق فیصلہ نہیں ہے، اس لئے ان کے بل کلیئر نہیں کئے جاسکتے۔

ذرائع کا کہنا ہے کہ وائس چانسلر اور رجسٹرار کی مداخلت پر دو بل کلیئر کردئیے گئے ہیں، تاہم آر اے نے ان پر لکھ دیا ہے کہ یہ قانونا درست نہیں ان کو مشروط طور پر کلیئر کیا گیا ہے ۔